Finland/Suomi – Noreg/Norge. Begge landa har i dag to offisielle skriftspråk. Svensk i Finland og nynorsk i Noreg er jamstilte skriftspråk og er obligatoriske i opplæringa. Begge er kjempande språk – mindre brukte skriftspråk som slit med dei problema som er knytte til det. Begge har brukarar med eit mangfaldig og særmerkt dialektgrunnlag. Men stoda er òg svært ulik. I Finland kan ein stø seg til eit større språkfelleskap utanfor landegrensene, Sverige, og til eit rikstalespråk (som ikkje er identisk med rikssvensk). Nynorsk er åleine og kan ikkje stø seg til eit rikstalespråk på same måten. På den andre sida har toleransen for nynorskbruk vore jamt aukande hos oss, medan det motsette i visse høve har vore tilfellet for svensk i Finland.
Arrangementet er i samarbeid med Bærum Mållag.
Inngang kr 100.
